Sampang

Dari SD kellas tello' sampe lulus SMA engko' sakeluarga odi' e Sampang. Teppa'en alamaddae Jalan Merak No.13. Na' kana' se bengkona e Merak biasana esebbut AKA (sikadan dari anak kabupaten). Soalla lakar semma' da' kantor kabupaten Sampang. Sanajjan bapak coma mantre kesehatan (tentara) tape pasienna dari man dimman. E taon 70-an dokter Joseph sampe' ere sabab pasienna kala bannya' dari pasienna Bapak. Mangkana ta' heran mon oreng atanya alamat e sekitar kabupaten biasanya seetanya .. " e gimmana compo'en pak Lasipan ?". Ta' heran soalla pa Lasipan ta' nantoagi bejaranna nyontik. E berri' barampa bai e tarema. Kadang pasien ngeba ajam, majar bi' kacang, tela, pao ban salaenna. Se paleng loco mon lan bulan Desember bakto som-osom bua, e bengko moste bannya' hasel panen bajaran dari pasien.
Pasienna pak Lasipan mon la kadung senneng ya da'iya keya. maggi' la ta' sake mentana soro sontek. Mon etanya sake' apa biasanya ta' bisa nyebbut, soalla lakar ta'sake'. Biasanya coma menta 'sontek sehat'. Mangkana biasana Bapak coma sontek vitamin.
Areya to-foto kennangan dari Sampang:
Engko' (Ham) bi' Bapak e taneyanna SMA Sampang (2000).













Foto mare songkeman, tellasan 89.













Foto bi' keluarga Ngateri e Omben.













Ca-kanca sa angkadan:
Didik (Saleh Suaidi): Kanca mega' ganta', nabang lajangan, ngeco' pao', ngeco' kacang (ganta' pote), ngeco' bandeng dari tamba', ngeco nyeor ban gelte'en bu Cokro. Poko'en kabbi kamellengan na'-kana' elakone. tape sateya Didik la daddi guru ngaji... mala ca'en la bisa ba-nambai (he he). Sakeng nakalla, sellang bensinna Tunning (TKG) bai ecabut.

Toyo (Bambang Utoyo): Oh, Mon Toyo reya abak alem, tape mon ngeco' apa bai ta' kera etemmo, soalla ta' toman asoara. Toyo penter keya massa'. Biasana lem-malem mon mare PR, Engko' bi Toyo nyare kangkong e budina Bu Sirat. E massa e bajannya bu' Na ngangguy babang, cabbi ban buja tok. Ce' naymanna bakto jiya.

Gombloh: Areya pemain band. Mon seni kana' reya jagona.
Hani: Hani reya ana' bungsona bu Cokro se romana e budina tang roma (Jl. Merak 13). dari kenne' engko la eco-kocoagi bi' Hani. Mangkana sampe' SMP engko' ta' toman acaca da' Hani (soker ca'en). Soalla arassa todus polana ca-kanca ngoca' Hani tang bakal.

Endang: Endang reya tetangga keya. dari kenne' panyakedda tettep: Menge (asma). Engko arassa neser mon teppa'en komat. Ce' sarana. Tape terakhir aba'na cora' sehat.